Yared Terfa Dibaba
Yared Terfa Dibaba (* 8. April 1969 in Aira, Provinz Welega, Äthiopien) ist deutscher Schauspieler, Fernsehmoderator, Entertainer, Autor und Sänger. Er wurde im Südwesten Äthiopiens im Volk der Oromo geboren und erhielt bei seiner Einbürgerung in Deutschland 1993 seinen heutigen Namen.
Quelle: Wikipedia
Weiter unten folgt außerdem sein plattdeutscher Aufklärungstext „De beste Krebs is de, denn Du gor nich erst kriegen deihst!“ zur Darmkrebsvorsorge, abgeschlossen mit der Signatur „Dien Yared Dibaba“.
De beste Krebs is de, denn Du gor nich erst kriegen deihst!
Dat de Krebs een vun de gruuligsten Krankheiten is, mutt ik Di wull nich vertelln, oder?
Wenn he Di erstmol an‘ Kanthoken kricht, denn büst Du in Mors! So hett man fröher dacht.
Dat mutt in veele Fälle gor nich erst so wiet komen!
Darmkrebs to’n Biespill kann man nömli all ganz fröh faststelln – denn, wenn he noch so lütt is, dat he meist noch gor nich to sehn is. Denn nömbt se em „Polüpen“.
„Bliev mi vunne Farv!“, warst Du veellicht seggn.
Dörfst Du ook seggen, denn keen Minsch mutt Di för de dorste Ünnersööken opsnieden!
Dat mokt de Dokter hüütigendogs fuurts dör Dein Achtersten.
Süht he dor en lütten Krebs, so’n Mini-Schietdings in Dien Darm, denn knippt he em direkt af un smitt em wech.
Un Du? Du kannst achteran noch bannig veele Johrn gesund un ohne düssen Schiet-Krebs leeven.
Du meenst dat kost‘ Di ’n Barg Geld? Nö, överhaupt ni: Wenn Du över föfftig büst, muttst Du sülms gor nix betohln. Dat deiht de Krankenkass‘.
Ik segg jümmers:
De beste Krebs is de, denn Du gor nich erst kriegen deihst!
Also, nich lang schnacken: Go no dien Huus-Dokter un lot Di mol in‘ Achtersten kieken.
Dat nöömt sick Darmspeegelung“ odder „groote Hobenrundfohrt mit Speicherstadt“. Dien Dokter weet op jeden Fall ganz genau, worüm dat geiht un wat to dohn is.
Also, bliev gesund un hol Di fuchtig!
Dien Yared Dibaba
Text: Heiko Kroll, Jens Rusch und Yared Dibaba | Foto: Sebastian Fuchs
